Қашқадарёда Nexia бошқарувини йўқотиб, ағдарилиб кетиши оқибатида 3 киши ҳалок бўлди

Қашқадарё вилоятида Nexia автомобили бошқарувини йўқотиши оқибатида йўл-транспорт ҳодисаси содир қилди, дея хабар бермоқда Тергов департаменти.

Маълум қилинишича, 2020 йилнинг 5 октябрь куни соат 17:00 да 33 ёшли А.С. ўзининг бошқарувидаги Nexia русумли автомашинасини Қарши туманидан Нишон туманига қараб бошқариб бораётиб, 4Р-89 рақамли Қарши–Нишон–Талимаржон автомобиль йўлининг 8-километрига келганида автомашина бошқарувини йўқотган.

Натижада автомобиль йўлнинг ўнг томонига чиқиб кетиб, ағдарилиб йўл-транспорт ҳодисаси содир қилган.

Оқибатда автомашина йўловчиси 54 ёшли М.О. олган тан шикасти натижасида ҳодиса содир бўлган жойда вафот этган, йўловчилар 58 ёшли Б.Х. ва 54 ёшли А.Э. оғир тан шикасти билан Республика шошилинч тез ёрдам илмий маркази Қашқадарё филиалининг жонлантириш бўлимига ётқизилган, бироқ кўрсатилган тиббий муолажаларига қарамасдан шу куни вафот этган.

https://youtu.be/rqcbEM1_LKQ

Мазкур ҳолат юзасидан Қарши туман ИИБ ҳузуридаги Тергов бўлими бошлиғи томонидан Жиноят кодексининг 266-моддаси 3-қисми «а» банди билан (транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлса) жиноят иши қўзғатилган. Ушбу жиноят иши Қашқадарё вилоят ИИБ ҳузуридаги Тергов бошқармаси иш юритувига олинган.