Andijonda voyaga yetmagan bola Nexia haydab ketayotgani aniqlandi va unga boshqaruvni topshirganligi uchun avtomobil egasiga nisbatan belgilangan tartibda chora ko‘rildi. Bu haqda YHXBB matbuot xizmati xabar berdi.
Ma’lum bo‘lishicha, 5-oktabr kuni Andijon viloyati, Andijon shahar IIB YHXB YPX xodimi belgilangan taqsimot asosida Andijon shahar, beshinchi kichik daha hududida xizmat olib borayotgan vaqtida xizmat joyiga yaqin bo‘lgan 41-sonli maktabga ko‘rinishidan voyaga yetmagan bola Neksiya-3’ni boshqarib kelganligini ko‘rgan va darhol uning yoniga borgan.
Voyaga yetmagan boladan yoshini so‘ragan vaqtida bola ushbu 41-sonli maktabning 5-sinfida tahsil olishini ma’lum qilgan.
YPX xodimi bola bilan maktabga kirib, maktab rahbari, o‘qituvchilar, o‘quvchilar va bolaning oila a’zosi ishtirokida aniqlangan holatni muhokama etgan.
Transport vositasini boshqarish huquqiga ega bo‘lmagan, voyaga yetmagan bolaga boshqaruvni topshirganligi uchun avtomobil egasiga nisbatan belgilangan tartibda chora ko‘rilgan.
Izoh (0)