“Arsenal” yarim himoyachisi Mesut O‘zil koronavirus pandemiyasi davrida vaqtincha ishdan olingan klub maskoti Gunnerzavrni himoya qilib chiqdi.
Avvalroq “Arsenal” 1993-yildan buyon Gunnerzavr libosida faoliyat yuritib kelayotgan xodimi Jerri Kini iste’foga chiqargandi. Jamoa stadionlarga muxlislar qo‘yilmayotgan bois Gunnerzavrga ehtiyoj yo‘q deb hisoblagan va xarajatlarni qisqartirish uchun uni vaqtincha chetlatgandi.
“Bizning mashhur va sodiq maskot Gunnerzavr orqali barchaga tanish bo‘lgan Jerri Ki klubdagi 27 yillik faoliyatidan keyin ishdan olinganidan afsusdaman.
Shu klubning futbolchisi ekanman, “Arsenal”ga yashil yigitimizning maoshini to‘liq qoplab berishga tayyorman. Shu tariqa Jerri o‘z sevgan ishi bilan shug‘ullanishda davom eta oladi”, — deya yozadi O‘zil.
Avvalroq “Sevilya” klubi Gunnerzavr jamoa o‘yinlarida ko‘rinish berishini ma’lum qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)