Moskvaning “Spartak” klubi yarim himoyachisi Oston O‘runov O‘zbekiston terma jamoasini yig‘inini tark etdi.
O‘zbekiston futbol assotsiatsiyasi (O‘FA) matbuot xizmatining ma’lum qilishicha, O‘runov va “Paxtakor” himoyachisi Yegor Krimets 5-oktabr kungi mashg‘ulotlar vaqtida jarohat olgan. Shu sabab ular terma jamoa yig‘inini tark etgan.
Shu tariqa O‘runov va Krimets Eron va BAAga qarshi kechadigan o‘rtoqlik uchrashuvlarida O‘zbekiston terma jamoasiga yordam bera olmaydi.
Eslatib o‘tamiz, Vadim Abramov shogirdlari 8-oktabr kuni Toshkentda Eronga qarshi o‘ynaydi. 12-oktabrda esa Dubay shahrida BAA terma jamoasiga qarshi bahs bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)