«Арсенал» ярим ҳимоячиси Месут Ўзил коронавирус пандемияси даврида вақтинча ишдан олинган клуб маскоти Гуннерзаврни ҳимоя қилиб чиқди.
Аввалроқ «Арсенал» 1993 йилдан буён Гуннерзавр либосида фаолият юритиб келаётган ходими Жерри Кини истеъфога чиқарганди. Жамоа стадионларга мухлислар қўйилмаётган боис Гуннерзаврга эҳтиёж йўқ деб ҳисоблаган ва харажатларни қисқартириш учун уни вақтинча четлатганди.
«Бизнинг машҳур ва содиқ маскот Гуннерзавр орқали барчага таниш бўлган Жерри Ки клубдаги 27 йиллик фаолиятидан кейин ишдан олинганидан афсусдаман.
Шу клубнинг футболчиси эканман, «Арсенал»га яшил йигитимизнинг маошини тўлиқ қоплаб беришга тайёрман. Шу тариқа Жерри ўз севган иши билан шуғулланишда давом эта олади», — дея ёзади Ўзил.
Аввалроқ «Севилья» клуби Гуннерзавр жамоа ўйинларида кўриниш беришини маълум қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)