Janubiy Koreyada 13-noyabrdan boshlab, jamoat joylari va transportda niqobsiz yurgan kishilar jarima to‘laydi, deb xabar bermoqda Yonhap agentligi.
Hukumat rasmiylarining xabar berishicha, niqobsiz yurganlik uchun 100 000 von (85,60 AQSh dollari) miqdorida jarima belgilangan. Faqatgina 14 yoshgacha bo‘lgan shaxslar hamda sog‘lig‘i tufayli doimiy ravishda niqob taqa olmaydigan kishilarga nisbatan jarima qo‘llanilmaydi.
Mamlakatda niqobni burundan pastda taqib yurgan yoki koronavirusdan yetarlicha himoya qila olmaydigan sharf yoki ayrim niqob turlaridan foydalanayotgan shaxslar ham jarima to‘lash talab etiladi.
Jons Hopkins universitetining 5-oktabrdagi ma’lumotiga ko‘ra, Janubiy Koreyada koronavirus bilan bog‘liq 24 164 ta holat aniqlangan. Bemorlarning 21 886 nafari sog‘aygan, 422 nafari vafot etgan.
Mavzuga doir:
- O‘zbekistonliklar Janubiy Koreyaga COVID-19’ga chalinmaganlik haqida soxta ma’lumotnoma bilan kelayotgani ma’lum qilindi
- Tashqi mehnat migratsiyasi agentligi Janubiy Koreyaga turmushga chiqqan o‘zbek qizlari o‘qiyotgan markaz aks etgan video bo‘yicha izoh berdi
- O‘zbekistonda Janubiy Koreya bilan hamkorlikda tibbiyot oliygohi va onkologiya markazi tashkil etiladi
Izoh (0)