Жанубий Кореяда 13 ноябрдан бошлаб, жамоат жойлари ва транспортда ниқобсиз юрган кишилар жарима тўлайди, деб хабар бермоқда Yonhap агентлиги.
Ҳукумат расмийларининг хабар беришича, ниқобсиз юрганлик учун 100 000 вон (85,60 АҚШ доллари) миқдорида жарима белгиланган. Фақатгина 14 ёшгача бўлган шахслар ҳамда соғлиғи туфайли доимий равишда ниқоб тақа олмайдиган кишиларга нисбатан жарима қўлланилмайди.
Мамлакатда ниқобни бурундан пастда тақиб юрган ёки коронавирусдан етарлича ҳимоя қила олмайдиган шарф ёки айрим ниқоб турларидан фойдаланаётган шахслар ҳам жарима тўлаш талаб этилади.
Жонс Ҳопкинс университетининг 5 октябрдаги маълумотига кўра, Жанубий Кореяда коронавирус билан боғлиқ 24 164 та ҳолат аниқланган. Беморларнинг 21 886 нафари соғайган, 422 нафари вафот этган.
Мавзуга доир:
- Ўзбекистонликлар Жанубий Кореяга COVID-19’га чалинмаганлик ҳақида сохта маълумотнома билан келаётгани маълум қилинди
- Ташқи меҳнат миграцияси агентлиги Жанубий Кореяга турмушга чиққан ўзбек қизлари ўқиётган марказ акс этган видео бўйича изоҳ берди
- Ўзбекистонда Жанубий Корея билан ҳамкорликда тиббиёт олийгоҳи ва онкология маркази ташкил этилади
Изоҳ (0)