“Real” bosh murabbiyi Zinedin Zidan La Liganing 5-turidan o‘rin olgan “Levante” qarshi o‘yindan (2:0) so‘ng o‘z fikrlari bilan o‘rtoqlashdi.
Futbol shunaqa o‘yin. Raqib yaxshi o‘ynadi va xavfli vaziyatlarni yaratdi. Birinchi bo‘limni yaxshi boshladik. Ikkinchi golni urganimizdan keyin natija haqidagi barcha savollarni olib tashladik.Madridliklar o‘tkazilgan 4 ta o‘yindan so‘ng 10 ochko bilan musobaqa jadvalida 1-pog‘onani egallab turibdi. “Real”ning 1-tur uchrashuvi kechroq muddatga qoldirilgan.Qiynalishimizga to‘g‘ri keldi. Bu kabi o‘yinlarda boshqachasiga g‘alaba qozonish mumkin emas. Ikkinchi bo‘limda raqibda imkoniyatlar bo‘ldi, ammo bu tabiiy hol.
Yigitlarning qilgan ishlari bilan faxrlanishimiz kerak. Biz mavsumni endi boshlayapmiz. Yigitlar uchta uchrashuvda g‘alaba qozondi, yana bir bahsda esa durang qayd etildi. Ulardan yana nimani ham so‘rashim mumkin?
Gollar yetishmasligi meni xavotirga solmaydi, mavsum endi boshlandi. Biz hali ham ko‘p jihatlardan yaxshilanishimiz mumkin va buni amalga oshirmoqchimiz.
Vinisius gol urdi va men undan undan shuni so‘rashda davom etaman. U ishlashi va kuchayishi kerak. Men muvaffaqiyatsizliklar haqida emas, balki faqat yutuqlar haqida gapiraman, biz ijobiy kayfiyatni saqlashimiz lozim.
Uchrashuvdan yaxshi taassurotlar oldim. Biz kuchliroq bo‘lishimiz, darvozamiz oldida esa kamroq vaziyatlar yaratilishini ta’minlashimiz kerakligini bilamiz. Ammo biz uch ochkoni qo‘lga kiritdik va gol o‘tkazib yubormadik. Hamma xursand.
Zinedin Zidan, “Real” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)