“Liverpul” Angliya chempionatida “Arsenal”ning 67 yil avvalgi antirekordini takrorladi

“Liverpul” Angliya Premyer Ligasi 4-turi doirasida kechgan bahsda “Aston Villa”ga yirik hisobda yutqazdi (2:7).

“Qizillar” APL tarixida ilk bor bir o‘yinda yettita gol o‘tkazib yubordi.

So‘nggi bor “Liverpul” Angliya oliy divizionida 1963-yilning aprelida “Tottenhem”dan shuncha gol o‘tkazib yuborgandi (2:7), deya xabar qilmoqda Opta.

Shuningdek, “Liverpul” Angliyada chempionatida so‘nggi 67 yil ichida o‘z darvozasidan 7 ta to‘p olib chiqqan ilk amaldagi chempion bo‘ldi. 1953-yilning sentabrida “Arsenal” amaldagi chempion maqomida “Sanderlend”ga yutqazgandi (1:7).

Eslatib o‘tamiz, Yurgen Klopp qo‘l ostidagi jamoa APL 2019/20-yilgi mavsumida 99 ochko to‘plab chempionga aylangandi.