«Реал» бош мураббийи Зинедин Зидан Ла Лиганинг 5-туридан ўрин олган «Леванте» қарши ўйиндан (2:0) сўнг ўз фикрлари билан ўртоқлашди.
Футбол шунақа ўйин. Рақиб яхши ўйнади ва хавфли вазиятларни яратди. Биринчи бўлимни яхши бошладик. Иккинчи голни урганимиздан кейин натижа ҳақидаги барча саволларни олиб ташладик.Мадридликлар ўтказилган 4 та ўйиндан сўнг 10 очко билан мусобақа жадвалида 1-поғонани эгаллаб турибди. «Реал»нинг 1-тур учрашуви кечроқ муддатга қолдирилган.Қийналишимизга тўғри келди. Бу каби ўйинларда бошқачасига ғалаба қозониш мумкин эмас. Иккинчи бўлимда рақибда имкониятлар бўлди, аммо бу табиий ҳол.
Йигитларнинг қилган ишлари билан фахрланишимиз керак. Биз мавсумни энди бошлаяпмиз. Йигитлар учта учрашувда ғалаба қозонди, яна бир баҳсда эса дуранг қайд этилди. Улардан яна нимани ҳам сўрашим мумкин?
Голлар етишмаслиги мени хавотирга солмайди, мавсум энди бошланди. Биз ҳали ҳам кўп жиҳатлардан яхшиланишимиз мумкин ва буни амалга оширмоқчимиз.
Винисиус гол урди ва мен ундан ундан шуни сўрашда давом этаман. У ишлаши ва кучайиши керак. Мен муваффақиятсизликлар ҳақида эмас, балки фақат ютуқлар ҳақида гапираман, биз ижобий кайфиятни сақлашимиз лозим.
Учрашувдан яхши таассуротлар олдим. Биз кучлироқ бўлишимиз, дарвозамиз олдида эса камроқ вазиятлар яратилишини таъминлашимиз кераклигини биламиз. Аммо биз уч очкони қўлга киритдик ва гол ўтказиб юбормадик. Ҳамма хурсанд.
Зинедин Зидан, «Реал» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)