“Barselona” klubi o‘z rasmiy saytida 2019/20-yilgi mavsumning moliyaviy hisobotlarini e’lon qildi.
Koronavirus pandemiyasi sabab yuzaga kelgan inqiroz fonida “Barselona” mavsumni 97 million yevro zarar bilan yakunladi. “Barselona” ichki va xalqaro musobaqalar doirasidagi bekor qilingan uchrashuvlaridan daromad olmadi. Ispaniyada esa hozirgacha stadionlarga tomoshabinlar kirishi taqiqlangan.
Katalon klubining ortda qolgan mavsumdagi umumiy daromadi 855 million yevroni tashkil qildi, chiqim esa — 955 million yevro. 2018/19-yilgi mavsum bilan solishtirganda daromad 135 millionga kamaygan, chiqimlar esa 18 millionga.
“Barselona”ning 2020/21-yilgi mavsum uchun taxminiy budjeti 791 million yevroni tashkil etadi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)