“Liverpul” darvozaboni Alisson Bekker jarohat oldi.
Alisson mashg‘ulotlar vaqtida jamoadoshi bilan to‘qnashuvdan keyin yelkasidan jarohat olgan. Qolgan tafsilotlar noma’lum.
The Athletic nashrining xabar qilishicha, braziliyalik futbolchining tiklanishiga 4—6 haftagacha vaqt ketadi. The Independent versiyasiga ko‘ra, jarohatni tiklash jarayoni 6 haftadan oshiq vaqtni oladi.
Buyuk Britaniya OAVning xabar qilishicha, “Liverpul” yangi darvozabon qidirish ishlarini boshlab yuborgan. Sababi jamoaning ikkinchi darvozaboni Adrianning ishonchsiz o‘yini Yurgen Kloppga yoqmayapti.
Eslatib o‘tamiz, “Liverpul” yangi darvozabonni 5-oktabr kunining yakuniga qadar ro‘yxatdan o‘tkazishi lozim. Sababi Angliyada transferlar oynasi aynan shu kuni yopiladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)