«Барселона» клуби ўз расмий сайтида 2019/20 йилги мавсумнинг молиявий ҳисоботларини эълон қилди.
Коронавирус пандемияси сабаб юзага келган инқироз фонида «Барселона» мавсумни 97 миллион евро зарар билан якунлади. «Барселона» ички ва халқаро мусобақалар доирасидаги бекор қилинган учрашувларидан даромад олмади. Испанияда эса ҳозиргача стадионларга томошабинлар кириши тақиқланган.
Каталон клубининг ортда қолган мавсумдаги умумий даромади 855 миллион еврони ташкил қилди, чиқим эса — 955 миллион евро. 2018/19 йилги мавсум билан солиштирганда даромад 135 миллионга камайган, чиқимлар эса 18 миллионга.
«Барселона»нинг 2020/21 йилги мавсум учун тахминий бюджети 791 миллион еврони ташкил этади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)