Riming “Roma” klubi Madridning “Real”idan hujumchi Borxa Mayoral transferini e’lon qildi.
Rimliklar 23 yoshli futbolchini ikki yil muddatga ijaraga oldi. Ijara narxi 2 million yevroni tashkil qilgan. Ushbu mavsum davomida “bo‘rilar” ispaniyalik futbolchini 15 million yevroga, 2021/22-yilgi mavsum davomida esa 20 million yevroga sotib olish huquqiga ega. Agar “Roma” ushbu variantlardan birini qo‘llasa, Mayoral bilan 2025-yilning 30-iyunigacha amal qiladigan shartnoma tuziladi.
Borxa “qirollik klubi” akademiyasi tarbiyalanuvchisi hisoblanadi. Madrid klubi tarkibida u 33 ta o‘yin o‘tkazib, 7 ta gol va 4 ta golli uzatmani amalga oshirgan. Borxa 2019/20-yilgi mavsumni “Levante” safida ijarada o‘tkazdi va La Liganing 34 o‘yinida 8 bor raqiblar darvozasini ishg‘ol etdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)