Isroil terma jamoasi yarim himoyachisi Dia Muhammad Saba BAAning “An-Nasr” klubiga o‘tdi. Bu haqda klub matbuot xizmati ma’lum qildi.
Shu tariqa 27 yoshli futbolchi arab klubida o‘ynaydigan ilk Isroil fuqarosiga aylandi.
Avgust oyida BAA va Isroil o‘rtasida diplomatik aloqalar tiklangandi. Amirliklar bu borada Misr va Iordaniyadan keyingi uchinchi arab mamlakati bo‘lgandi.
Saba “An-Nasr”ga Xitoyning “Guanchjou Fuli” jamoasidan kelib qo‘shildi. Avvalroq u Isroil klublarida to‘p surgan. 2018-yildan buyon Isroil terma jamoasiga jalb qilib kelinadi. Shu bilan birga Dia arab oilasida tug‘ilgan va musulmon hisoblanadi.
Muhammad Xitoy chempionatida 10 o‘yin o‘tkazib, 5 ta gol va ikkita golli uzatmaga muallif bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)