Toshkent shahar Olmazor tumanining ayrim mahallalarida bir kunga ichimlik suvi ta’minoti to‘xtatiladi, deya xabar bermoqda shahar hokimligi.
Qayd etilishicha, Toshkent shahrida 2020—2021-yilgi kuz—qish mavsumiga tayyorgarlik yuzasidan “Toshkent shahar suv ta’minoti” MChJ tomonidan suv o‘tkazgich tarmoqlarida rejali profilaktika va ta’mirlash ishlari olib borilishi rejalashtirilgan.
Shu munosabat bilan 5-oktabr soat 09:00 dan soat 23:00 gacha Olmazor tumanidagi quyidagi hududlarda ichimlik suvi ta’minoti to‘xtatiladi:
- “Ahil” mahallasi;
- “Beshqo‘rg‘on” mahallasi;
- “Obi hayot” mahallasi;
- “Moyariq” mahallasi;
- “Yangi Toshkent” mahallasi;
- Beshqo‘rg‘on 1, 2, 3, 4-mavzelari.
“Toshkent shahar suv ta’minoti” MChJ noqulayliklar uchun iste’molchilardan uzr so‘ragan.
Izoh (0)