Митта Митта дарёси бўйлаб оиласи билан бирга сайрга чиққан австралиялик аёл югуриб юрган фарзандларини суратга олган. Уйга қайтиб, суратларни томоша қилиш давомида эса болаларга яқин ерда жигарранг илон судралиб юрганини пайқаб қолган.
Ушбу суратни Австралиядаги илон тутиш жамиятиSnake Catcher Victoria Australia асосчиси Барри Голдсмит Facebook’да бўлишган. Сурат мисолида Барри судралиб юрувчиларга ғаламислик қилинмаса, улар одамларга ташланмаслигини таъкидлаган.
«Илон одамлар яқинлашаётганини кўриб, уларнинг ўтиб кетишига имкон берган», – деб ёзган Голдсмит илонларга ҳурмат билан муносабатда бўлинса, улар агрессив эмаслигини қўшимча қилган.
Унинг сўзларига қараганда, таъкидланган хусусият нафақат заҳарли илонлар, балки бошқа судралиб юрувчи оила вакилларига ҳам тааллуқли. Мутахассис фикрича, илонларнинг тажовуз қилиши кўпинча одамларнинг қўрқувга берилиб, уларни ўлдирмоқчи бўлиши оқибатида юз беради.
Барри 40 йилдан буён одамларни ҳар бир тирик жонзот ҳамда ёввойи табиатга ҳурмат билан муносабатда бўлишга ўргатиб келади, дейилади хабарда.
Изоҳ (0)