Professional boksning super yarim o‘rta (-69,85 kg) vazn toifasida WBA, IBF va WBC kamarlarini birlashtiradigan chempionlik jangi Toshkent vaqti bilan 27-sentabr, yakshanba kuni o‘tkazildi.
Unda WBC kamari sohibi Jermell Charlo (34-1, 18 KO) ushbu vaznda WBA Super va IBF kamarlari sohibi Xeyson Rosario (20-2-1, 14 KO) o‘zaro to‘qnash keldi. Jang Rosarioning mikro-nokdaunga tushish holati bilan boshlandi. 6-raundga kelib Charlo katta ustunlikka ega bo‘lib olgandi. 7-raund esa teng kurashlar ostida kechdi. Biroq 8-raundda Charloning Rosario tanasiga bergan jeb zarbasi hammasini hal qildi. Rosario nokaut holatiga tushib qoldi.
Shu tariqa Charlo super yarim o‘rta vazn toifasida uchta chempionlik kamariga ega bo‘ldi. Qayd etish joiz, ushbu vazn toifasida o‘zbekistonlik Isroil Madrimov (6-0, 5 KO) ham jang qiladi. U ayni damda WBA yo‘nalishida majburiy da’vogar bo‘lib turibdi.
Eslatib o‘tamiz, Madrimov o‘zining prof boksdagi so‘nggi jangini 16-avgust kuni Erik Uokerga qarshi o‘tkazib, unda g‘alaba qozongandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)