Osiyo Chempionlar Ligasi nimchorak finali doirasida kechadigan “Paxtakor” — “Istiqlol” uchrashuvidan avval toshkentliklar yordamchi murabbiyi Piter Hyuistra va jamoa himoyachisi Anzur Ismoilov matbuot anjumanida qatnashdi.
Guruh bosqichini yakunladik. Endi bittalik o‘yinlardan iborat pley-offda harakat qilamiz. Biz bunga tayyormiz. Barchasini o‘yin ko‘rsatib beradi.Shota o‘zini yaxshi his qilmoqda. U izolyatsiyada. O‘tgan o‘yinni tahlil qildik va navbatdagi bahsga tayyorgarlik ko‘ryapmiz. Barchasi yaxshi bo‘lishiga ishonamiz. Shota dastlabki kunlari biroz o‘zini yomon his qildi, hozirda esa barchasi ortda qoldi. U hali yosh va ishga chanqoq.
Komilov ikkita sariq kartochka tufayli maydonga tusha olmaydi. Qolgan barcha futbolchilar o‘yinga tayyor va sog‘lom holatda. “Paxtakor”ni jismonan kuchsiz deb o‘ylamang. Biz ham ikki yildan buyon bu borada mehnat qilyapmiz. Bu borada o‘zimizga ishonch katta.
Biz o‘zimizga ishonamiz. Bu yigitlar bilan har kuni birga ishlayman va ularning imkoniyatini yaxshi bilaman. Shu sababli ham ularga ishonib gapirmoqdaman.
Oxirgi yillarni qarasangiz o‘zbek klublarida pasayish bo‘ldi. Lekin ikki yil oldin O‘zbekiston U-23 terma jamoasi Osiyo chempioni bo‘lgandi. O‘sha jamoaning ko‘plab a’zolari hozir “Paxtakor”da o‘ynamoqda. O‘sha musobaqadan keyin futbolchilar yanada kuchaydi. Bu futbolchilar yangi davrni boshlab bermoqda. Dastlabki maqsadimiz guruhdan chiqish edi, bu vazifa uddalandi. Endi navbatdagi raqibni mag‘lub etishni istaymiz.
Piter Hyuistra, “Paxtakor” yordamchi murabbiyi
Shundan keyin Anzur Ismoilov o‘z fikrlarini bildirib o‘tdi.
Guruhdan chiqqanimizdan xursandmiz. Bizni oldinda og‘ir o‘yinlar va haqiqiy kurash kutmoqda. Muxlislar va ko‘plab insonlar “Paxtakor”dan g‘alaba g‘alaba kutmoqda. Maqsadimiz faqat g‘alaba qozonish. Raqibni yaxshi bilamiz, o‘rganib chiqdik. Bizga qiyin bo‘ladi. G‘alaba qozonishimiz kerakligini tushunib turibmiz. Jamoamiz o‘yinga tayyor. Maydonga faqat g‘alaba uchun chiqamiz.“Paxtakor” va “Istiqlol” jamoalari o‘rtasidagi uchrashuv 26-sentabr, shanba kuni bo‘lib o‘tadi. Uchrashuv Toshkent vaqti bilan 22:45 da start oladi.Raqib safida ikkinchi qavatda yaxshi o‘ynaydigan futbolchilar bor. Biz ham shunga yarasha tayyorgarlik ko‘rdik. Jamoamizdagi futbolchilar bir-birini yaxshi tushunadi.
Anzur Ismoilov, “Paxtakor” himoyachisi
Eslatib o‘tamiz “Paxtakor” bosh murabbiyi Shota Arveladzeda koronavirus aniqlangan va mutaxassis ayni damda izolyatsiyada bo‘lib turibdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)