Andijon davlat tibbiyot institutining ma’naviy-ma’rifiy ishlar bo‘yicha prorektori, tarix fanlari nomzodi Pattoxon Asxanov 59 yoshida vafot etdi. Bu haqda “Daryo”ga Andijon davlat tibbiyot instituti axborot xizmati ma’lum qildi.
Ma’lumot berilishicha, Pattoxon Asxanov 2020-yil 24-sentabr kuni olamdan o‘tgan.
U 1961-yil 25-noyabrda Oltinko‘l tumanida ziyolilar oilasida tug‘ilgan. 1983-yil Samarqand davlat universitetining tarix fakultetini tamomlagan. Ish faoliyatini Andijon qurilish texnikumida tarix fani o‘qituvchiligidan boshlagan.
1984-yildan ayni kunga qadar Andijon davlat tibbiyot institutida falsafa kafedrasi o‘qituvchisi, katta o‘qituvchi, dotsent, kafedra mudiri lavozimlarida ishlagan. 2018-yildan buyon institutning yoshlar bilan ishlash bo‘yicha prorektori vazifasida ishlab kelgan.
Andijon davlat tibbiyot instituti tomonidan berilgan xabarda olimning vafoti sababi ma’lum qilinmagan.
Izoh (0)