Madridning “Real” klubi La Liga 2020/21-yilgi mavsumi 1-turidan o‘rin olgan “Real Sosyedad”ga qarshi bahsda 0:0 hisobida durangga rozi bo‘ldi.
Opta’ning yozishicha, madridliklar safida “Sosyedad”ga qarshi bahsda 2000-yil yoki undan keyin tug‘ilgan 4 nafar futbolchi maydonga tushdi. “Real” 2000-yillarda tug‘ilgan 4 nafar futbolchini bitta o‘yinda maydonga tushirgan La Liga tarixidagi ilk klub bo‘ldi.
Zinedin Zidan ushbu bahsda Vinisius Junior (20 yosh), Rodrigo Goes (19), Marvin (20) va Serxio Arribasga (18) maydonda harakat qilish imkoniyatini berdi. Vinisius va Rodrigo o‘yinni asosiy tarkibda boshlagan bo‘lsa, Marvin va Arribas zaxiradan maydonga tushdi.
Mavzuga doir: Zinedin Zidan: Biz ikki ochko yo‘qotdik
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)