Мадриднинг «Реал» клуби Ла Лига 2020/21 йилги мавсуми 1-туридан ўрин олган «Реал Сосьедад»га қарши баҳсда 0:0 ҳисобида дурангга рози бўлди.
Opta’нинг ёзишича, мадридликлар сафида «Сосьедад»га қарши баҳсда 2000 йил ёки ундан кейин туғилган 4 нафар футболчи майдонга тушди. «Реал» 2000 йилларда туғилган 4 нафар футболчини битта ўйинда майдонга туширган Ла Лига тарихидаги илк клуб бўлди.
Зинедин Зидан ушбу баҳсда Винисиус Жуниор (20 ёш), Родриго Гоэс (19), Марвин (20) ва Серхио Аррибасга (18) майдонда ҳаракат қилиш имкониятини берди. Винисиус ва Родриго ўйинни асосий таркибда бошлаган бўлса, Марвин ва Аррибас захирадан майдонга тушди.
Мавзуга доир: Зинедин Зидан: Биз икки очко йўқотдик
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)