Sirdaryo viloyatida 39 yoshli erkak o‘zining 50 yoshli shar’iy nikohdagi xotini bilan spirtli ichimlik ichgan. Shundan so‘ng ular o‘rtasida janjal kelib chiqqan va erkak ayolni urib o‘ldirib qo‘ygan. Bu haqda Tergov departamenti xabar berdi.
Ma’lum qilinishicha, 2020-yilning 15-sentabr kuni tungi soat 02:30 da Guliston shahrida 39 yoshli S.X. shar’iy nikoh asosida yashovchi 50 yoshli ayol Z.Sh. bilan spirtli ichimlik iste’mol qilgan. Ularning o‘rtasida kelib chiqqan janjalda S.X. turmush o‘rtog‘i Z.Sh.ning badanining turli joylariga qo‘li bilan urib, tan jarohati yetkazgan. Natijada Z.Sh. olgan tan jarohatlari oqibatida hodisa joyida vafot etgan.
Mazkur holat yuzasidan Guliston shahar prokuraturasi tomonidan O‘zbekiston Respublikasi Jinoyat kodeksining 104-moddasi 3-qismi “d” bandi (jabrlanuvchining o‘limiga olib kelgan qasddan badanga og‘ir shikast yetkazish) bilan jinoyat ishi qo‘zg‘atilib, tergovga tegishlilik bo‘yicha Guliston shahar IIO FMB huzuridagi tergov bo‘limiga yuborilgan.
Mazkur jinoyat ishi bo‘yicha S.X. gumon qilinuvchi tariqasida jalb qilinib, protsessual tartibda ushlangan. Tergov harakatlari davom etmoqda.
Mavzuga doir:
- Samarqandda shar’iy nikohdagi ayolini rashk qilib, unga pichoq bilan jarohat yetkazgan shaxs 6 yilga ozodlikdan mahrum etildi
- Urgutda bir vaqtda 2 xotin bilan yashagan fuqaro axloq tuzatish ishlariga jalb etildi
- Farg‘onalik erkak norasmiy xotini bilan birga o‘z ayoli va 2 bolasini tiriklayin kanalga tashlab yubordi (video)
- G‘ijduvonda qo‘shxotinlikda ayblangan fuqaro bir yilga ozodlikdan cheklandi
Izoh (0)