Сирдарё вилоятида 39 ёшли эркак ўзининг 50 ёшли шаръий никоҳдаги хотини билан спиртли ичимлик ичган. Шундан сўнг улар ўртасида жанжал келиб чиққан ва эркак аёлни уриб ўлдириб қўйган. Бу ҳақда Тергов департаменти хабар берди.
Маълум қилинишича, 2020 йилнинг 15 сентябрь куни тунги соат 02:30 да Гулистон шаҳрида 39 ёшли С.Х. шаръий никоҳ асосида яшовчи 50 ёшли аёл З.Ш. билан спиртли ичимлик истеъмол қилган. Уларнинг ўртасида келиб чиққан жанжалда С.Х. турмуш ўртоғи З.Ш.нинг баданининг турли жойларига қўли билан уриб, тан жароҳати етказган. Натижада З.Ш. олган тан жароҳатлари оқибатида ҳодиса жойида вафот этган.
Мазкур ҳолат юзасидан Гулистон шаҳар прокуратураси томонидан Ўзбекистон Республикаси Жиноят кодексининг 104-моддаси 3-қисми «д» банди (жабрланувчининг ўлимига олиб келган қасддан баданга оғир шикаст етказиш) билан жиноят иши қўзғатилиб, терговга тегишлилик бўйича Гулистон шаҳар ИИО ФМБ ҳузуридаги тергов бўлимига юборилган.
Мазкур жиноят иши бўйича С.Х. гумон қилинувчи тариқасида жалб қилиниб, процессуал тартибда ушланган. Тергов ҳаракатлари давом этмоқда.
Мавзуга доир:
- Самарқандда шаръий никоҳдаги аёлини рашк қилиб, унга пичоқ билан жароҳат етказган шахс 6 йилга озодликдан маҳрум этилди
- Ургутда бир вақтда 2 хотин билан яшаган фуқаро ахлоқ тузатиш ишларига жалб этилди
- Фарғоналик эркак норасмий хотини билан бирга ўз аёли ва 2 боласини тириклайин каналга ташлаб юборди (видео)
- Ғиждувонда қўшхотинликда айбланган фуқаро бир йилга озодликдан чекланди
Изоҳ (0)