Dog‘istonlik erkak besh soat mobaynida 9,3 kilogramm vazn tashladi va Rossiya Rekordlar kitobiga kiritildi. Bu haqda “Federal yangiliklar agentligi” xabar berdi.
2020-yil 9-sentabr kuni 66 yoshli Bagam Aygobov Maxachkaladagi Yelena Isinbayeva nomidagi stadionda 5 soatlik yugurishni amalga oshirdi. Yugurish jarayoni boshlanishidan avval Aygobovning vazni 88 kilogrammni tashkil qilgan. Butun jarayon davomida shifokorlar erkakning holatini kuzatib turdi, ammo yuguruvchi o‘zini yaxshi his qildi.
Aygobovning ta’kidlashicha, hozir aksariyat insonlar ortiqcha vaznga ega. U bu kabi odamlarni tanasi hamda ruhini boshqara olmaydigan dangasalar, deb atagan. “Hattoki ko‘pgina sportchilar ham 2-3 kilogramm vazn yo‘qota olmaydi. Men esa buning iloji borligini isbotlayman”, − deydi u.
Shuningdek, rekordchi muntazam ravishda sport, shu jumladan, yugurish bilan shug‘ullanishini ta’kidlagan. U allaqachon 120 dan 69 kilogrammgacha bo‘lgan vazn toifalari orasida tez vazn yo‘qotish bo‘yicha bo‘lib o‘tgan tanlovda ishtirok etgan. Aygobov tez vazn yo‘qotish bo‘yicha ko‘p karra chempion bo‘lishni ham rejalashtirmoqda.
Mavzuga doir:
- Piyoda yurish, yoga bilan shug‘ullanish — erta qarishning oldini oladigan odatlar
- Angliyalik millioner qishloq aholisini bepul ovqat bilan ta’minladi, endi esa ularga vazn tashlashi uchun to‘laydi
- Kaliforniyalik qiz 88 kiloga ozdi va tanib bo‘lmas darajada o‘zgarib ketdi (foto)
- Angliyalik ayol 18 yillik orzusini amalga oshirish uchun 76 kiloga ozdi
Izoh (0)