Rossiyaning Krasnodarsk o‘lkasida avtomobil haydovchisi videoregistrator yordamida ikkita mushuk nogiron itni yo‘ldan o‘tkazib qo‘yayotganini videoga oldi, deb yozadi Esquire.
Videodan ko‘rish mumkinki, it harakatlanishga juda qiynalgan — u old panjalari bilan tayanib yurishga uringan, orqa panjalari esa sudralgan.
Mushuklar esa dumini tikka ko‘targan holda itga hamrohlik qilgan. Video ostiga qoldirilgan izohlarga ko‘ra, jonivorlar bu orqali o‘z do‘stiga yordam berishga shay ekanligini ko‘rsatib qo‘ygan va itga yordam kerakligini bildirish maqsadida boshqalar e’tiborini tortishga uringan bo‘lishi mumkin.
Avvalroq rossiyalik ayol mo‘yna uchun boqilayotgan 2 silovsinni sotib olib, uyida parvarishlayotgani to‘g‘risida xabar berilgandi.
Izoh (0)