Toshkentda qiymati 300 million so‘mlik kulrang Mercedes-Benz rangini o‘zboshimchalik bilan qoraga o‘zgartirib noqonuniy sotayotgan shaxs ushlandi. Bu haqda Bojxona qo‘mitasi matbuot xizmati xabar berdi.
Qayd etilishicha, Davlat bojxona qo‘mitasi Kontrabandaga qarshi kurashish va bojxona auditi bosh boshqarmasi xodimlari “Bojxona chegarasida olib o‘tilayotgan avtotransport vositalarini bojxona rasmiylashtiruvidan o‘tkazish tartibi to‘g‘risida”gi Nnizom talablari ijrosi yuzasidan Toshkent shahri hududida tezkor tadbir o‘tkazgan.
Tadbir davomida fuqaro U.B. qo‘shni davlat fuqarosi U.J. tomonidan majburiyatnoma asosida qaytarib olib chiqib ketish sharti bilan olib kirilgan, qiymati 300 million so‘mlik kulrang Mercedes-Benz E 350 rusumli avtoulovni o‘zboshimchalik bilan rangini qora rangga o‘zgartirib, noqonuniy tarzda sotayotgan vaqtida qo‘lga olingan.
Hozirda yuqoridagi holat yuzasidan bojxona organlari tomonidan surishtiruv harakatalari davom ettirilmoqda.
Mavzuga doir:
- Navoiyda Hyundai Porter’ni noqonuniy ravishda imtiyoz bilan olib kirishga urinish fosh etildi
- Toyota pikapini yengil mashina sifatida O‘zbekistonga olib kirmoqchi bo‘lganlar qariyb 260 mln so‘m boj to‘lashga majbur bo‘ldi
- Toshkentda yuk mashinalarini bojxona to‘lovlarisiz olib kirishga urinishlar fosh etildi
- Buxoroda “inomarka”ning ishlab chiqarilgan yilini yashirish orqali 221,6 mln so‘mlik bojxona to‘lovidan qochishga urinish holati aniqlandi
Izoh (0)