Тошкентда қиймати 300 миллион сўмлик кул ранг Mercedes-Benz рангини ўзбошимчалик билан қорага ўзгартириб ноқонуний сотаётган шахс ушланди. Бу ҳақда Божхона қўмитаси матбуот хизмати хабар берди.
Қайд этилишича, Давлат божхона қўмитаси Контрабандага қарши курашиш ва божхона аудити бош бошқармаси ходимлари «Божхона чегарасида олиб ўтилаётган автотранспорт воситаларини божхона расмийлаштирувидан ўтказиш тартиби тўғрисида»ги Ннизом талаблари ижроси юзасидан Тошкент шаҳри ҳудудида тезкор тадбир ўтказган.
Тадбир давомида фуқаро У.Б. қўшни давлат фуқароси У.Ж. томонидан мажбуриятнома асосида қайтариб олиб чиқиб кетиш шарти билан олиб кирилган, қиймати 300 миллион сўмлик кул ранг Mercedes-Benz E 350 русумли автоуловни ўзбошимчалик билан рангини қора рангга ўзгартириб, ноқонуний тарзда сотаётган вақтида қўлга олинган.
Ҳозирда юқоридаги ҳолат юзасидан божхона органлари томонидан суриштирув ҳаракаталари давом эттирилмоқда.
Мавзуга доир:
- Навоийда Hyundai Porter’ни ноқонуний равишда имтиёз билан олиб киришга уриниш фош этилди
- Toyota пикапини енгил машина сифатида Ўзбекистонга олиб кирмоқчи бўлганлар қарийб 260 млн сўм бож тўлашга мажбур бўлди
- Тошкентда юк машиналарини божхона тўловларисиз олиб киришга уринишлар фош этилди
- Бухорода «иномарка»нинг ишлаб чиқарилган йилини яшириш орқали 221,6 млн сўмлик божхона тўловидан қочишга уриниш ҳолати аниқланди
Изоҳ (0)