O‘zbekiston professional futbol ligasi (PFL) pandemiya futbol klublarining moliyaviy holatiga jiddiy ta’sir o‘tkazayotgani sabab Birinchi Liga klublaridan olinadigan badal pulini ikki barobar kamaytirdi. Bu haqda tashkilot rasmiy saytida xabar berildi.
O‘zPFL klublarni himoya qilish uchun ulardan olinadigan badal pullarini ikki barobar qisqartirdi. Orttirilgan mablag‘ futbolchilar salomatligi yo‘lida sarflanishi borasida tavsiya berildi. Mazkur qaror tashkilot Ijroqo‘mi tomonidan qo‘llab-quvvatlandi.“Daryo”ga ma’lum bo‘lishicha, liga ishtirokchilari uchun badal puli avval 100 million so‘mni tashkil qilgan. Endi esa bu to‘lov 50 million so‘mga tushirilgan.PFL bayonoti.
Ma’lumot o‘rnida, Birinchi Liganing 14 klubi ikki mintaqaga ajratilgan bo‘lib, jami 12 tur uchrashuvlaridan keyin har bir mintaqaning eng so‘nggi jamoasi Ikkinchi ligaga tushiriladi. Shuningdek, mintaqalarning 4—6-o‘rin egalari birlashtirilib, qayta turnir o‘tkaziladi. 5 tur yakunlariga ko‘ra eng so‘nggi jamoa ham Ikkinchi Ligaga ravona bo‘ladi. 5-o‘rin egasi esa pulka finalchisi bilan o‘tish o‘yinida ishtirok etadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)