Ўзбекистон профессионал футбол лигаси (ПФЛ) пандемия футбол клубларининг молиявий ҳолатига жиддий таъсир ўтказаётгани сабаб Биринчи Лига клубларидан олинадиган бадал пулини икки баробар камайтирди. Бу ҳақда ташкилот расмий сайтида хабар берилди.
ЎзПФЛ клубларни ҳимоя қилиш учун улардан олинадиган бадал пулларини икки баробар қисқартирди. Орттирилган маблағ футболчилар саломатлиги йўлида сарфланиши борасида тавсия берилди. Мазкур қарор ташкилот Ижроқўми томонидан қўллаб-қувватланди.«Дарё»га маълум бўлишича, лига иштирокчилари учун бадал пули аввал 100 миллион сўмни ташкил қилган. Энди эса бу тўлов 50 миллион сўмга туширилган.ПФЛ баёноти.
Маълумот ўрнида, Биринчи Лиганинг 14 клуби икки минтақага ажратилган бўлиб, жами 12 тур учрашувларидан кейин ҳар бир минтақанинг энг сўнгги жамоаси Иккинчи лигага туширилади. Шунингдек, минтақаларнинг 4—6-ўрин эгалари бирлаштирилиб, қайта турнир ўтказилади. 5 тур якунларига кўра энг сўнгги жамоа ҳам Иккинчи Лигага равона бўлади. 5-ўрин эгаси эса пулка финалчиси билан ўтиш ўйинида иштирок этади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)