Buxoro viloyatining Gazli shossesidagi magistral yo‘lda Spark haydovchisining Nexia’ni quvib o‘tishga urinishi og‘ir oqibatga olib keldi. Bu haqda “Daryo”ga viloyat IIB YHXB axborot xizmati rahbari Ulug‘bek Shukrullayev xabar berdi.
Ma’lum qilinishicha, YTH 2020-yilning 27-avgust kuni Buxoro magistral yo‘lining 343-kilometrida sodir bo‘lgan.
Xorazm viloyatidan yo‘lga chiqqan Spark haydovchisi Sh.N. tezlikni oshirib, o‘zidan oldin harakatlanib borayotgan Nexia rusumli transport vositasini quvib o‘tishga uringan. Biroq quvib o‘tish qoidasini buzgan haydovchi avtomashinani boshqarolmay qolishi oqibatda katta tezlikda Nexia’ga urilgan.
YTH oqibatida Nexia avtomashinasidagi fuqaro P.K. og‘ir tan jarohati olib, Respublika shoshilinch tibbiy yordam ilmiy markazi Buxoro filialiga yotqizilgan. Bemor og‘ir ahvolda.
Ayni paytda holat yuzasidan tergovga qadar surishtiruv ishlari olib borilmoqda.
Eslatib o‘tamiz, avvalroq Qashqadaryoda “Kamaz” va Damas ishtirokidagi YTHda ikki kishi halok bo‘lgani, yana ikki nafari tan jarohati bilan shifoxonaga yotqizilgani xabar berilgandi.
Mavzuga doir:
- Toshkentda mast holatdagi haydovchi yo‘lni ta’mirlayotgan xodimni urib ketdi. Jabrlanuvchi voqea joyida vafot etdi
- Toshkentda piyodani urib yuborib qochib ketgan Nexia haydovchisi o‘z aybiga iqror bo‘lib IIBga bordi
- Toshkentda rulda uxlab qolgan Matiz haydovchisi simyog‘ochga urilib, voqea joyida vafot etdi
Izoh (0)