Бухоро вилоятининг Газли шоссесидаги магистрал йўлда Spark ҳайдовчисининг Nexia’ни қувиб ўтишга уриниши оғир оқибатга олиб келди. Бу ҳақда «Дарё»га вилоят ИИБ ЙҲХБ ахборот хизмати раҳбари Улуғбек Шукруллаев хабар берди.
Маълум қилинишича, ЙТҲ 2020 йилнинг 27 август куни Бухоро магистрал йўлининг 343-километрида содир бўлган.
Хоразм вилоятидан йўлга чиққан Spark ҳайдовчиси Ш.Н. тезликни ошириб, ўзидан олдин ҳаракатланиб бораётган Nexia русумли транспорт воситасини қувиб ўтишга уринган. Бироқ қувиб ўтиш қоидасини бузган ҳайдовчи автомашинани бошқаролмай қолиши оқибатда катта тезликда Nexia’га урилган.
ЙТҲ оқибатида Nexia автомашинасидаги фуқаро П.К. оғир тан жароҳати олиб, Республика шошилинч тиббий ёрдам илмий маркази Бухоро филиалига ётқизилган. Бемор оғир аҳволда.
Айни пайтда ҳолат юзасидан терговга қадар суриштирув ишлари олиб борилмоқда.
Эслатиб ўтамиз, аввалроқ Қашқадарёда «Камаз» ва Damas иштирокидаги ЙТҲда икки киши ҳалок бўлгани, яна икки нафари тан жароҳати билан шифохонага ётқизилгани хабар берилганди.
Мавзуга доир:
Изоҳ (0)