Kataloniyaning “Barselona” klubi Chempionlar Ligasi 1/8 final bosqichi javob uchrashuvida “Napoli”ni qabul qilib, 3:1 hisobida (birinchi o‘yin 1:1) mag‘lubiyatga uchratdi.
Shu tariqa kataloniyaliklar Chempionlar Ligasi uy uchrashuvlaridagi mag‘lubiyatsiz seriyasini 36 ta o‘yinga uzaytirdi.
Qayd etish joiz, “Barselona” Chempionlar Ligasida oxirgi marta o‘z uyida 2013-yilda “Bavariya”ga mag‘lub (0:3) bo‘lgan.
Katalon klubi keyingi bosqichda “Bavariya” bilan o‘zaro kuch sinashadi. Myunxen klubi esa 1/8 final bosqichida “Chelsi”ni mag‘lubiyatga uchratdi.
Mavzuga doir: “Barselona” 19 yoshli braziliyalik futbolchi transferini e’lon qildi. Uning tovon puli 300 million yevro qilib belgilandi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)