Rossiyadagi chet ellik talabalar bo‘sh vaqtlarida maxsus ruxsatnoma va patentsiz ishlashlari mumkin bo‘ldi. Ishga joylashish uchun ular faqat ta’lim muassasasidan ma’lumotnoma taqdim etishlari kerak. Bu haqda Rossiya Fan va oliy ta’lim vazirligi xabar berdi.
Yangi buyruq 5-avgust kuni kuchga kirgan. Avval bunday imkoniyat faqat ta’til vaqtida berilar edi.
“Endi ish beruvchi bilan mehnat shartnomasi yoki fuqarolik-huquqiy shartnoma tuzish uchun ular Rossiyada o‘qiyotganliklari to‘g‘risida faqat universitet (kollej) ma’lumotnomasini taqdim etishlari kerak. Bu holda ish beruvchiga chet el ishchilarini jalb qilish va ulardan foydalanish uchun ruxsat olish talab etilmaydi.
Ushbu qonun kuchga kirgunga qadar chet ellik talabalar faqat ta’til vaqtidagina mehnat ruxsatnomasi yoki patentisiz ishlash huquqiga ega edi”, – deyiladi bayonotda.
Vazirlikning qo‘shimcha qilishicha, o‘qish tugagandan keyin shartnoma bekor qilinishi kerak.
Ish beruvchilar davlat akkreditatsiyasiga ega bo‘lgan kasb-hunar ta’limi dasturida kollej va universitetlarda kunduzgi tahsil olayotgan chet ellik talabalarni yollashlari mumkin.
Mavzuga doir:
- Rossiyadagi mehnat migrantlari patent uchun koronavirusga test topshiradigan bo‘ldi
- “Koronavirusning barcha belgilari bo‘lsa ham yordam berishmaydi”. Rossiyadagi migrantlarning karantin sharoitidagi ahvoli haqida
- Rossiyadagi o‘zbekistonlik talabalar koronavirusga chalinganini yashirgani uchun o‘qishdan haydalishi mumkin
Izoh (0)