Россиядаги чет эллик талабалар бўш вақтларида махсус рухсатнома ва патентсиз ишлашлари мумкин бўлди. Ишга жойлашиш учун улар фақат таълим муассасасидан маълумотнома тақдим этишлари керак. Бу ҳақда Россия Фан ва олий таълим вазирлиги хабар берди.
Янги буйруқ 5 август куни кучга кирган. Аввал бундай имконият фақат таътил вақтида берилар эди.
«Энди иш берувчи билан меҳнат шартномаси ёки фуқаролик-ҳуқуқий шартнома тузиш учун улар Россияда ўқиётганликлари тўғрисида фақат университет (коллеж) маълумотномасини тақдим этишлари керак. Бу ҳолда иш берувчига чет эл ишчиларини жалб қилиш ва улардан фойдаланиш учун рухсат олиш талаб этилмайди.
Ушбу қонун кучга киргунга қадар чет эллик талабалар фақат таътил вақтидагина меҳнат рухсатномаси ёки патентисиз ишлаш ҳуқуқига эга эди», – дейилади баёнотда.
Вазирликнинг қўшимча қилишича, ўқиш тугагандан кейин шартнома бекор қилиниши керак.
Иш берувчилар давлат аккредитациясига эга бўлган касб-ҳунар таълими дастурида коллеж ва университетларда кундузги таҳсил олаётган чет эллик талабаларни ёллашлари мумкин.
Мавзуга доир:
- Россиядаги меҳнат мигрантлари патент учун коронавирусга тест топширадиган бўлди
- «Коронавируснинг барча белгилари бўлса ҳам ёрдам беришмайди». Россиядаги мигрантларнинг карантин шароитидаги аҳволи ҳақида
- Россиядаги ўзбекистонлик талабалар коронавирусга чалинганини яширгани учун ўқишдан ҳайдалиши мумкин
Изоҳ (0)