Farg‘ona viloyati Farg‘ona tumanida katta yo‘lda yuzaga kelgan janjal ishtirokchisi ta’qibdan qochib, yurib ketayotgan va muayyan vaqt davomida sekinlashga “Zil”ga osildi. Yuk mashinasi haydovchisining to‘xtab yigitni ogohlantirganiga qaramay, u yana harakatlanib ketayotgan “Zil”ga tirmashgan va mashinaning ostiga kirib ketib, halok bo‘lgan. Bu haqda Yo‘l harakati xavfsizligi bosh boshqarmasi xabar berdi.
Xabarga ko‘ra 4-avgust kuni soat 18:00 larda Farg‘ona tumanidagi avtomobil yo‘lida bir nechta fuqaro o‘rtasida janjal yuzaga kelgan. Voqea joyiga yaqinlashgan “Zil-130” yuk mashinasi haydovchisi vaziyatdan bexabarligi uchun ulovni sekinlatgan.
Haydovchining hikoya qilishicha to‘planib turgan odamlar orasidan ikki yigit chiqqan va “Zil”ga qarama-qarshi tarzda yugurgan. Haydovchi yigitlarga zarar yetkazmaslik uchun mashina tezligini kamaytirgan. U ikki yigit turgan joydan qo‘zg‘alib harakatni davom ettirgan vaqtida egnida ko‘ylagi yo‘q yigit mashinaga osilib olgan. “Zil” to‘xtagan va haydovchi yigitga mashinaga osilmaslikni aytgan.
Biroq yuk mashinasi harakatlana boshlaganida yana osilgan va haydovchi avtomobillar oqimini hisobga olib, tezlikni kamaytirib to‘xtashga urinayotgan vaqtda, kutilmaganda “Zil” ostiga kirib ketib voqea joyida halok bo‘lgan.
Avval 2020-yil 24-iyul kuni Jizzax viloyatida 21 yoshli S.B. boshqaruvidagi “Zil”ga osilib olgan ikki yo‘lovchidan biri, haydovchining tanishi 18 yoshli A.S. harakatlanib ketayotgan yuk mashinasidan sakragan va asfalt qoplamasi ustiga boshi bilan yiqilishi oqibatida olgan tan jarohati tufayli hodisa joyida vafot etgandi.
Shuningdek, 2020-yil 30-iyulda Toshkent shahar Olmazor tumanida 28-iyul kuni Isuzu avtobusi va yuk mashinasi ishtirokida yuz bergan yo‘l-transport hodisasi oqibatida avtobus ag‘darilib ketgani xabar qilingan. 2020-yil 29-iyul kuni 28 yoshli haydovchi M.A. “Zil-130” yuk mashinasini Farg‘ona viloyati O‘zbekiston tumanining O‘qchi dasht qishlog‘i hududida boshqarib ketayotib, yo‘lning qatnov qismidan kesib o‘tayotgan Q.B.ni urib yuborgan, 66 yoshli jabrlanuvchi tan jarohati olib, voqea joyida vafot etgandi.
Izoh (0)