Toshkentda “Zil-131” Isuzu avtobusini ag‘darib yubordi

Toshkent shahar Olmazor tumanida 28-iyul kuni Isuzu avtobusi va yuk mashinasi ishtirokida yuz bergan yo‘l-transport hodisasi oqibatida avtobus ag‘darilib ketgan. Bu haqda Toshkent shahar IIBB xabar berdi.

Ma’lum qilinishicha, 28-iyul kuni soat 11.00 da Toshkent halqa avtomobil yo‘lida 18-avtosaroyga tegishli Isuzu avtobusi haydovchisi 30 yoshli Rahimjon Sh. yo‘l harakatining boshqa ishtirokchilari uchun kutilmagan harakat (manyovr) sodir etgan.

Yaqin atrofda harakatlanib borgan “Zil-131” rusumli yuk avtomobili haydovchisi 28 yoshli Murodjon B. favqulodda to‘xtash uchun barcha choralarni ko‘rishiga qaramasdan, yuk mashinasi avtobusning yon tomoniga to‘qnashgan va avtobus ag‘darilib ketgan.

YTH sababli hech kim jabrlanmagan.