O‘zbekistonlik yarim himoyachi Oston O‘runov yangi jamoasi Moskvaning “Spartak”i bilan shartnoma imzolaganidan so‘ng o‘z his-tuyg‘ulari bilan o‘rtoqlashdi.
Uni “Spartak”da qanday kutib olishgani haqida
Bu ajoyib jamoa, meni yaxshi kutib olishdi. Iloji boricha tezroq jamoaga kirishib ketmoqchiman.
Klub to‘g‘risida nimalarni bilishi haqida
“Spartak” — eng sovrindor va xalq jamoasi. Otam shu klubda o‘ynashimni orzu qilar edi.
Qaysi pozitsiyada o‘ynashga odatlangani haqida
Men to‘p bilan ishlashni yaxshi ko‘raman, markazda o‘ynash qulayroq. Ko‘ramiz, murabbiy meni qaysi pozitsiyaga qo‘yar ekan.
Dastlab “Ufa”ga, so‘ngra “Spartak”ka taklif qilgan Shamil Gazizov haqida
U meni O‘zbekistondan “Ufa”ga taklif qildi va imkoniyat berdi. Endi bu yerda uning ishonchini oqlamoqchiman.
“Spartak”ning O‘zbekistonda muxlislari ko‘payishi haqida
“Spartak”ning muxlislari endi 35 millionga ko‘payadi.
Qayd etish joiz, Oston moskvaliklar bilan uzoq muddatli bitim imzolagan. U yangi jamoasi safida 20-raqam ostida to‘p tepadi.
Eslatib o‘tamiz, avvalroq moskvaliklar uning transferi 2 million yevro sarflashi, Ostonning maoshi esa yiliga 600 ming yevro bo‘lishi haqida xabar qilingandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)