Ўзбекистонлик ярим ҳимоячи Остон Ўрунов янги жамоаси Москванинг «Спартак»и билан шартнома имзолаганидан сўнг ўз ҳис-туйғулари билан ўртоқлашди.
Уни «Спартак»да қандай кутиб олишгани ҳақида
Бу ажойиб жамоа, мени яхши кутиб олишди. Иложи борича тезроқ жамоага киришиб кетмоқчиман.
Клуб тўғрисида нималарни билиши ҳақида
«Спартак» — энг совриндор ва халқ жамоаси. Отам шу клубда ўйнашимни орзу қилар эди.
Қайси позицияда ўйнашга одатлангани ҳақида
Мен тўп билан ишлашни яхши кўраман, марказда ўйнаш қулайроқ. Кўрамиз, мураббий мени қайси позицияга қўяр экан.
Дастлаб «Уфа»га, сўнгра «Спартак»ка таклиф қилган Шамил Газизов ҳақида
У мени Ўзбекистондан «Уфа»га таклиф қилди ва имконият берди. Энди бу ерда унинг ишончини оқламоқчиман.
«Спартак»нинг Ўзбекистонда мухлислари кўпайиши ҳақида
«Спартак»нинг мухлислари энди 35 миллионга кўпаяди.
Қайд этиш жоиз, Остон москваликлар билан узоқ муддатли битим имзолаган. У янги жамоаси сафида 20-рақам остида тўп тепади.
Эслатиб ўтамиз, аввалроқ москваликлар унинг трансфери 2 миллион евро сарфлаши, Остоннинг маоши эса йилига 600 минг евро бўлиши ҳақида хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)