“Ufa”ning o‘zbekistonlik yarim himoyachisi Oston O‘runov faoliyatini Moskvaning “Spartak” klubida davom ettiradi. Bu haqda Moskva klubi matbuot xizmati ijtimoiy tarmoqlar orqali ma’lum qildi.
O‘runovning tanishtirilishi uchun klub tomonidan tayyorlangan videolavhada o‘zbek tilida “Chiroyli qilamiz” deb izoh qoldirildi. Klub matbuot xizmati xabariga ko‘ra, Oston moskvaliklar bilan uzoq muddatli bitim imzolagan. U yangi jamoasi safida 20-raqam ostida to‘p tepadi.
Eslatib o‘tamiz, avvalroq moskvaliklar uning transferi 2 million yevro sarflashi, Ostonning maoshi esa yiliga 600 ming yevro bo‘lishi haqida xabar qilingandi.
O‘runov 2019/20-yilgi mavsum Rossiya Premyer Ligasida 10 o‘yinda maydonga tushib, 2 ta sariq kartochka oldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)