“Ufa” klubining direktorlar kengashi a’zosi Rostislav Murzagulov o‘zbekistonlik yarim himoyachi Oston O‘runovning “Spartak”ka transferi haqidagi fikr bildirdi.
“Ostonni ko‘p jamoalar sotib olmoqchi bo‘ldi, transfer tafsilotlari haqidagi ma’lumotlarni bera olmaymiz. Barcha uchun qiziqarli bo‘lgan taklifni qabul qilishimizga to‘g‘ri keldi. O‘runovda o‘sish borligini, katta va jiddiy klublar uni qo‘lga kiritishni xohlashini bilgandik. Uning rivojlanishiga umid bog‘lagandik. Uni bu transfer bilan tabriklaymiz!
“Ufa” har doim eng foydali taklifni tanlaydi. Da’vogarlar ko‘p edi, Rossiyadan va chet eldan. O‘yinchi va agentning xohishi, shuningdek, avvalroq unga yordam bergan odamlar oldidagi majburiyati tufayli “Spartak” varianti tanlandi. Qaror keng qamrovli bo‘ldi”, — deydi Murzagulov.
Mavzuga doir: “Otam “Spartak”da o‘ynashimni orzu qilardi”. Oston O‘runov yangi jamoasi haqida intervyu berdi
Eslatib o‘tamiz, avvalroq “Spartak” direktori Shamil Gazizov “Ufa”da O‘runov borasida 5-6 million yevrolik takliflar borligi haqida aytgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)