“Real” yarim himoyachisi Kazemiro jamoadoshi Garet Beyl haqida fikr bildirdi.
“Ba’zan har birimiz qiyin vaziyatlardan o‘tamiz. Beyl ishlashda davom etmoqda, u hozir faoliyatidagi eng yaxshi davr emasligini tushunib turibdi, lekin u ishlamoqda. Uni hamma qo‘llab-quvvatlayapti, biz, klub va murabbiy.
U biz uchun juda muhim o‘yinchi, chunki u istalgan vaqtda hayratga solishi mumkin va u buni ko‘p marta isbotlagan. O‘zining eng yaxshi darajasida Beyl dunyoning eng yaxshi 3 o‘yinchisi qatoriga kiradi, ammo hozir vaziyatga haqqoniy baho berib, uning yaxshi formada emasligini tan olishimiz kerak”, — deydi Kazemiro.
Garet Beyl 2013-yildan beri “qirollik klubi”da to‘p suradi. 2019/20-yilgi mavsumida uelslik futbolchi klub miqyosidagi barcha musobaqalarda 20 ta o‘yin o‘tkazib, 3 ta gol urdi va 2 ta golli uzatma berdi. Uning klub bilan shartnomasi 2022-yilning iyul oyida o‘z nihoyasiga yetadi.
Beyldan Manjukichga. Chempionlar Ligasida akrobatik usulda urilgan top-5 gol (video)
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)