“Liverpul” yarim himoyachisi Fabinyo jamoasi bilan chempionlikni nishonlayotgan vaqtida uning uyida o‘g‘rilik sodir bo‘lgan. Bu haqda Liverpul Echo xabar tarqatdi.
Ta’kidlanishicha, “Liverpul” Angliya Premyer Ligasi 37-turidan o‘rin olgan “Chelsi”ga qarshi bahsdan (5:3) so‘ng chempionlikni nishonlayotgan vaqtida Fabinyoning uyi talon-toroj qilingan.
Taxminlarga ko‘ra, o‘g‘rilar braziliyalik yarim himoyachining uyida hech kim yo‘qligini bilgan va bundan foydalangan. Politsiyaning ta’kidlashishicha, bir nechta zargarlik buyumlari, shuningdek, keyinchalik Uigan shahridagi mahallalardan birida topilgan kulrang Audi RS6 mashinasi ham o‘g‘irlangan.
Qayd etish o‘rinli, Fabinyo o‘yindaligi vaqtida uyi talon-toroj qilingan ilk “Liverpul” futbolchisi emas. Bungacha Sadio Mane 2019-yilda “Bavariya”ga qarshi o‘yin vaqtida shunga o‘xshash talonchilikka duch kelgan edi. Shuningdek, Deyan Lovren, Roberto Firmino, Pepe Reyna, Daniyel Agger va Yeji Dudek ham o‘g‘rilik qurboni bo‘lgan.
Ma’lumot o‘rnida, Fabinyo Angliya chempionatining 2019/20 yilgi mavsumida 28 ta o‘yin o‘tkazib, 2 ta gol va 3 ta golli uzatmaga mualliflik qildi.
“Liverpul”ning chempionlik mavsumidagi barcha gollarini tomosha qiling (video)
Izoh (0)