«Ливерпуль» ярим ҳимоячиси Фабиньо жамоаси билан чемпионликни нишонлаётган вақтида унинг уйида ўғрилик содир бўлган. Бу ҳақда Ливерпуль Echo хабар тарқатди.
Таъкидланишича, «Ливерпуль» Англия Премьер Лигаси 37-туридан ўрин олган «Челси»га қарши баҳсдан (5:3) сўнг чемпионликни нишонлаётган вақтида Фабиньонинг уйи талон-торож қилинган.
Тахминларга кўра, ўғрилар бразилиялик ярим ҳимоячининг уйида ҳеч ким йўқлигини билган ва бундан фойдаланган. Полициянинг таъкидлашишича, бир нечта заргарлик буюмлари, шунингдек, кейинчалик Уиган шаҳридаги маҳаллалардан бирида топилган кул ранг Audi РС6 машинаси ҳам ўғирланган.
Қайд этиш ўринли, Фабиньо ўйиндалиги вақтида уйи талон-торож қилинган илк «Ливерпуль» футболчиси эмас. Бунгача Садио Мане 2019 йилда «Бавария»га қарши ўйин вақтида шунга ўхшаш талончиликка дуч келган эди. Шунингдек, Деян Ловрен, Роберто Фирмино, Пепе Рейна, Даниел Аггер ва Ежи Дудек ҳам ўғрилик қурбони бўлган.
Маълумот ўрнида, Фабиньо Англия чемпионатининг 2019/20 йилги мавсумида 28 та ўйин ўтказиб, 2 та гол ва 3 та голли узатмага муаллифлик қилди.
«Ливерпуль»нинг чемпионлик мавсумидаги барча голларини томоша қилинг (видео)
Изоҳ (0)