23-iyul kuni soat 10:00 larda Andijon tumani “Qurama” MFY hududidan o‘tuvchi A-373 Toshkent—O‘sh avtomobil yo‘lining 485-kilometrida sodir bo‘lgan yo‘l-transport hodisasi oqibatida ikki kishi halok bo‘ldi. Bu haqda IIV YHXBB axborot xizmati xabar berdi.
Ma’lumotlar ko‘ra, 23 yoshli fuqaro boshqaruvidagi Nexia-3 mashinasi qarama-qarshi yo‘nalishga chiqib ketib Spark transport vositasi bilan to‘qnashuv sodir etgan. Ushbu vaqtda yana bir Spark transport vositasida harakatlanib kelib Nexia-3 avtomobiliga kelib urilgan.
Natijada, birinchi Spark avtomobil haydovchisi A.A. hamda uning onasi F.A.(1958-yilda tug‘ilgan) og‘ir tan jarohatlari olib voqea joyida vafot etgan. Ushbu avtomashina yo‘lovchisi 1986-yilda tug‘ilgan D.X. tan jarohatlari olib shifoxonaga yotqizilgan.
Mazkur holat yuzasidan Andijon tumani IIB huzuridagi Tergov boshqarmasi tomonidan surishtiruv ishlari olib borilmoqda.
Avvalroq Samarqandda Lacetti va DAF yuk avtomashinasi to‘qnashuvi oqibatida 2 kishi, Toshloqdagi toshli yo‘lda Nexia-2’ning tut daraxtiga urilishi oqibatida bir yo‘lovchi vafot etgani to‘g‘risida xabar berilgandi.
Izoh (0)