Avstraliyada Ferrari F40 sport avtomobilining egasi daraxtga urilib, superkarini pachoqladi. Sug‘urtalanmagan mashina narxi 2,4 million dollar bo‘lgan, deb yozadi Daily Mail.

Politsiyadagilarning ma’lum qilishicha, avtomobil egasi boshqaruvni yo‘qotib qo‘ygan va jarlikka tushib ketib, daraxtga urilgan. Yo‘lovchilardan hech kimga jarohat yetmagan.

Ta’kidlanishicha, Ferrari F40 noyob avtomobillardan hisoblanadi. U dunyoga mashhur brendga 40 yil to‘lishi munosabati bilan 1987-yili konveyrdan chiqqan. Bu turdagi superkarlardan jami 1315 nusxa ishlab chiqarilgan.

Avvalroq AQShda yangi Chevrolet Corvette xarid qilinganidan bir kun o‘tib YTHga uchragani to‘g‘risida xabar berilgandi.