Olovuddin Inog‘omov Samarqand viloyati davlat soliq boshqarmasiga rahbar etib tayinlandi. Bu haqda Davlat soliq qo‘mitasining axborot xizmati ma’lum qildi.
Olovuddin Inog‘omov Husniddinovich 1980-yilda Toshkent shahrida tug‘ilgan. U 2002-yilda Toshkent soliq kollejini, 2009-yilda Toshkent moliya institutini tamomlagan.
O. Inog‘omov bunga qadar Toshkent viloyati davlat soliq boshqarmasi boshlig‘ining birinchi o‘rinbosari lavozimida ishlab kelayotgan edi.
U soliq organlaridagi mehnat faoliyatini 2002-yilda Toshkent shahri Yunusobod tumani DSI Buxgalteriya hisobi va ta’minoti bo‘limi 1-darajali hisobchisi lavozimidan boshlagan. U 2002-yildan 2019-yilgacha Toshkent shahrining bir qator tuman DSIlarida va Toshkent shahar davlat soliq boshqarmasida turli lavozimlarda ishlagan.
Olovuddin Inog‘omov Soliq xizmatining I darajali maslahatchisi.
2020-yil iyun oyida Oqdaryo tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari vazifasida faoliyat yuritgan Elyor Tolliyev Samarqand shahar davlat soliq inspeksiyasi boshlig‘i etib tayinlangandi.
Izoh (0)