Оловуддин Иноғомов Самарқанд вилояти давлат солиқ бошқармасига раҳбар этиб тайинланди. Бу ҳақда Давлат солиқ қўмитасининг ахборот хизмати маълум қилди.
Оловуддин Иноғомов Ҳусниддинович 1980 йилда Тошкент шаҳрида туғилган. У 2002 йилда Тошкент солиқ коллежини, 2009 йилда Тошкент молия институтини тамомлаган.
О. Иноғомов бунга қадар Тошкент вилояти давлат солиқ бошқармаси бошлиғининг биринчи ўринбосари лавозимида ишлаб келаётган эди.
У солиқ органларидаги меҳнат фаолиятини 2002 йилда Тошкент шаҳри Юнусобод тумани ДСИ Бухгалтерия ҳисоби ва таъминоти бўлими 1-даражали ҳисобчиси лавозимидан бошлаган. У 2002 йилдан 2019 йилгача Тошкент шаҳрининг бир қатор туман ДСИларида ва Тошкент шаҳар давлат солиқ бошқармасида турли лавозимларда ишлаган.
Оловуддин Иноғомов Солиқ хизматининг I даражали маслаҳатчиси.
2020 йил июнь ойида Оқдарё туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари вазифасида фаолият юритган Элёр Толлиев Самарқанд шаҳар давлат солиқ инспекцияси бошлиғи этиб тайинланганди.
Изоҳ (0)