“Barselona” hujumchisi Antuan Grizmann Ispaniya chempionatining 36-turidan o‘rin olgan “Valyadolid”ga qarshi uchrashuvda (1:0) jarohat orttirib oldi.
29 yoshli fransiyalik forvard birinchi bo‘limdan so‘ng almashtirildi, uning o‘rnini esa Luis Suares egalladi.
Endilikda Grizmann chuqurlashtirilgan tibbiy ko‘rikdan o‘tishi kerak bo‘ladi. Biroq hozirda ba’zi ispan ommaviy axborot vositalari uning son mushaklari shikastlangani va Ispaniya chempionatining qolgan qismini o‘tkazib yuborishi mumkinligi haqida xabar tarqatmoqda.
Eslatib o‘tamiz, “Barselona” La Liganing qolgan ikkita tur o‘yinida “Osasuna” va “Alaves” bilan uchrashadi.
36-turdan keyin “Barselona” turnir jadvalida 2-o‘rinni egallab turibdi. Jamoa 1-pog‘onadagi “Real”dan 1 ochkoga ortda qolmoqda. Madrid klubida 1 ta zaxira o‘yini bor.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)