«Барселона» ҳужумчиси Антуан Гризманн Испания чемпионатининг 36-туридан ўрин олган «Вальядолид»га қарши учрашувда (1:0) жароҳат орттириб олди.
29 ёшли франциялик форвард биринчи бўлимдан сўнг алмаштирилди, унинг ўрнини эса Луис Суарес эгаллади.
Эндиликда Гризманн чуқурлаштирилган тиббий кўрикдан ўтиши керак бўлади. Бироқ ҳозирда баъзи испан оммавий ахборот воситалари унинг сон мушаклари шикастлангани ва Испания чемпионатининг қолган қисмини ўтказиб юбориши мумкинлиги ҳақида хабар тарқатмоқда.
Эслатиб ўтамиз, «Барселона» Ла Лиганинг қолган иккита тур ўйинида «Осасуна» ва «Алавес» билан учрашади.
36-турдан кейин «Барселона» турнир жадвалида 2-ўринни эгаллаб турибди. Жамоа 1-поғонадаги «Реал»дан 1 очкога ортда қолмоқда. Мадрид клубида 1 та захира ўйини бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)